दश वर्षपछि रेखा र निखिल एकसाथ

नेपाली चलचित्रको पर्दामा अब्बल देखिएकी नायिका रेखा थापाको सम्बन्ध कुनैपनि कलाकारसँग लामो समय टिक्दैन भन्ने हल्ला मिडियामा आइरहन्छन। केही सुपरस्टारहरुसँग रेखाको सम्बन्ध सार्वजनिक रुपमै देखिने गरी विग्रिएको पनि हो । कारण हो उनी कसैलाई मान्छे गन्दिनन् रे । उनको व्यवहार अरुलाई मन पर्दैन रे ।

चलचित्रको उचाईमा पुग्दा ‘स्टार डम’का कारण पानी बाराबारसम्म भएको नायक निखिल उप्रेती र नायिका रेखा थापाबीचको सम्बन्ध सुध्रिएको संकेत केहीदिनअघि निखिलको चलचित्र ‘रुद्र’को प्रिमियरमा देखियो । एकअर्कामा भएको दम्बका कारण झगडा यतिसम्म चुलिएको थियो कि उनीहरु एकले अर्काको चलचित्र नै नखेल्ने अघोषित निर्णयसमेत गरेका थिए । उनीहरुको स्टार उचाईका कारण उनीहरुको निर्णयले केहीसमय स्थान पनि पायो । तर जब स्टारदम विस्तारै कमजोर बन्न थाल्यो अनि उनीहरुलाई एकअर्काको साथको आवश्यक परेको उनीहरुको व्यवहारले देखाइरहेको छ ।

यसअघि निखिलले रेखाको अपार्टमेन्टमै गएर आफ्नो चलचित्र ‘भैरव’ काम गर्न आग्रह समेत गरेका थिए । रेखाले पनि हुन्छ भनेकी थिइन । पछि के मनखुसी भयो अन्नतः रेखाले यो फिलिममा काम भने गरिनन् । यस पटक पनि चलचित्र ‘रुद्र’ को प्रिमियर सोमा रेखा टुप्लुक्क देखिइन् । धेरैको चासोको विषय बनेको थियो यतिका समयसम्म चाँही एकअर्का सँगै नदेखिएका यो कसरी सम्भव भो भनी ? मिडियाकर्मीहरुले सोधे पनि, ‘तपाईहरु त झण्डै १० वर्षपछि सँगै देखिनु भो नि, तपाईहरुको झगडाले त लामै समय लियो नि हैन मिलन हुनलाई ?’ सँचारकर्मीहरुको प्रश्नको जवाफ उनीहरुले सहज रुपमा दिए, ‘हामीहरुको कहिलै झगडा नै भएको थिएन । मिडियाले नै हामीहरुको झगडा भयो भनी हल्ला बनायो । हामीहरुबीच भेटघाट हुन्थ्यो । फरक यति हो कि हाम्रो भेटघाट भएको बेला मिडिया त्यहाँ हुनेथिए ।’

रेखाले निखिलकाे चलचित्रकाे प्रश‌ंसा समेत गर्न भ्याइन । उनले भनिन्, ‘निखिल दाइकाे यसअघिकाे भैरवले पनि राम्रै चर्चा कमायाे, अब याे रुद्र पनि सफल बन्नेछ भन्ने मलाइ विश्वास छ ।  निखिल दाइका चलचित्रहरु चर्चित नै हुन्छन् । मलार्इ मन पर्छ ।’

सम्बन्धित् समाचार  वर्षौंदेखि किन एकअर्कासँग बोल्दैनन् रेखा थापा र राजेश हमाल, यस्तो रहेछ कारण

उनीहरु अब कलाकारबाट दुवै निर्माता/निर्मात्री पनि भइसकेकाले अब चाँडै नै सँगै काम गर्नेसम्मकाे कुरा गर्न भ्याए ।

काठमाण्डौ, गोंगवुस्थित विजी मलमा रेखा र निखिलको मिडियाकर्मीमाथिको यो आरोपयुक्त जवाफले सबैलाई एउटा प्रश्न खडा गरिदियो । राष्ट्रका गहना कलाकार उनीहरु सार्वजनिक व्यक्ति भइकन पनि उनीहरुको गल्तीलार्इ ढाकछोप गर्न अरुलाई दोष लगाउन साह्रै लज्जास्पद व्यवहार देखाए ।

दुवै कलाकारहरु स्टारडमका कारण एक अर्कासँग टाढिएका उनीहरु पछिल्लो समय चलचित्र क्षेत्रमा नयाँ कलाकारको आगमनसँगै उनीहरुको स्टारडम पनि कमजोर बन्दै गयो । अन्नतः एक अर्काको साथको आवश्यक परेको हो । त्यत्ति कुरा जो कोहीले पनि सहजै अनुमान लगाउन सक्छन् । उनीहरुले दोषभरि मिडियालाई थोपर्ने पर्दैन ।

नायिका रेखा पनि आफ्ना विग्रिएका सम्बन्धहरु सुधारको बाटोमा छिन् । केहीसमयअघि पनि उनले नायक आर्यन सिक्देलसँगको विग्रिएको सम्बन्धलाई सुधारर्न उनीसँग हात मिलाइसकेकी छिन् । अब नायक निखिलसँग पनि आफ्नो सम्बन्ध नबिग्रिएको बताएकी छिन् । चलचित्रको दुनियाँमा रमेकाहरु वास्तविक जीवनलाई पनि चलचित्र नै जस्तो बनाइसकेका छन् यी कलाकारहरुले । अझै के के पो गर्नेहुन् त्यो हेर्न बाँकी छन् ।