खोटाङका उल्सन नेपाल आइडलको उत्कृष्ट आठमा

काठमाडौं : सयौं प्रतिस्पर्धीलाई पछि पार्दै खोटाङका गायक उल्सन श्रेष्ठ नेपाल आइडलको उत्कृष्ट आठमा पुग्न सफल भएका छन् । एपीवान टेलिभिजनबाट शुक्रबार बेलुकी ८ः ४५ मा प्रसारण भएको नेपाल आइडल कार्यक्रमबाट उत्कृष्ट आठमा परेका हुन् । 

संगीतप्रतिको गहिरो लगाव र दर्शकको मायाका कारण आफू नेपाल आइडलको उत्कृष्ट ८ मा पर्न सफल भएको बताउने उल्सन श्रेष्ठ आमाबाबुदेखि दिदीदाइले समेत नाच्न, गाउन प्रेरित गर्ने भएकाले आज आफु यहाँसम्म आइपुग्न सहज भएको बताउँछन् ।

गायक उल्सनलाई नेपाल आइडलमा जिताउनका लागि खोटाङमा ‘उल्सन जिताऊ’ अभियान सञ्चालन भइरहेको छ । गायक श्रेष्ठलाई नेपाल आइडल बनाउने लक्ष्यका साथ सदरमुकाम दिक्तेलमा ‘उल्सन श्रेष्ठ जिताउ’ अभियान चलाइएको हो । 

उल्सनलाई भोट दिनका लागि मोबाईलको मेसेज बक्समा गएर १८ टाइप गरी ३५२२५ मा सेन्ड गर्न सकिन्छ । उल्सनलाई जिताउनका लागि प्रत्येक बिहिबार बेलुका ८ः४५ बजेदेखि शुक्रबार बिहान १२ बजेसम्म भोट दिन सकिने आयोजकले जनाएको छ । नेपाल आईडलको प्रशारण एपीवान टेलीभिजनमा हरेक बिहिबार र शुक्रबार राती ८ः४५ बजे हेर्न सकिन्छ ।