एपी वान टेलिभजनबाट प्रसारित भइरहेको नेपालकै चर्चित रियालिटी शो नेपाल आइडल को ‘टप ८’ बाट खोटांगका २४ वर्षीय उल्सन श्रेष्ठ बाहिरिएका छन् ।
उनलाई नेपाल आइडलमा ‘रक स्टार’ को उपनामले परिचित थिए ।यस अघिका एपिसोड एक पटक ‘डेन्जर जोन’ मा परेका श्रेष्ठ अन्तत: नेपाल आइडलबाट बाहिरिए। यो साताको एपिसोडमा डेन्जर जोनको बटम थ्रीमा सागर आले, विल्सन श्रेष्ठ र सुरज थापा परेका थिए । उनले काठमाडौँबाट अडिसन दिएका थिए । नेपाल आइडलमा अब टप सात प्रतिस्पर्धी रहेका छन् ।
मेलोडी पप, लोक एवं रक गीत मन पराउने उनलाई मन पर्ने गायक राजेशपायल राई हुन् । २४ वर्षीय उल्सन स्नातक तहमा अध्ययनरत छन् ।
हरेक एपिसोडबाट एक प्रतियोगी आउट हुँदै टप थ्रीमा रहेका तीन जना प्रतिस्पर्धीबीच नेपाल आइडलको उपाधिका लागि प्रतिस्पर्धा हुनेछ। अब टप ७ मा निशान भट्टराई, सागर आले, सुरज थापा, बुद्ध लामा, प्रमिला राई, सुजाता पाण्डे र प्रताप दास प्रतिस्पर्धीहरु रहेका छन् ।
Comments
Post a Comment