चलचित्र ‘हुर्रे’ मा केकी र अनुप विक्रमको जोडी

आइतवार राजधानीमा एक कार्यक्रमबीच चलचित्र ‘हुर्रे’ निमार्ण को घोषणा भएको छ । नायिका केकी अधिकारी र अनुप विक्रम शाहीको मुख्य भूमिका रहने सो चलचित्रको यम थापाले निर्देशन गर्नेछन् ।

द याक्का इन्टरटेनमन्टको प्रस्तुतीमा निर्माण हुन लागेको चलचित्र ’हुर्रे’का प्रस्तुतकर्ता दावा शेर्पा रहने छन् । सो चलचित्र सोनम लामा व्लोन र छिरिङ दोर्जे लामाले संयुक्त रुपमा निमार्ण गर्न लागेका हुन् ।

कार्यक्रममा नायिका केकी अधिकारीले ’हुर्रे’को कथावस्तु र आफ्नो भूमिका राम्रो भएकाले चलचित्रमा काम गर्न लागेको बताइन् ।

चलचित्रमा केकी र अनुपसँगै राजाराम पौडेल, प्रकाश घिमिरे, विजय बराल,अंकित खड्का, संगीता नापीत, उपदेश तिमल्सेनाको लगायतको अभिनय रहने निमार्ण टोलीले जनाएको छ । कार्यक्रममा चलचित्रको छायांकन भदौको दोस्रो साताबाट हुने जानकारी दिइएको छ।